М.Шкетан лӱмеш Марий драме театрын пашаеҥже, артист, баянист Анатолий Сергеевын ӱмыржӧ лугыч лийын.
Тудо 1959 ий 28 июльышто Морко район Рушродо ялыште шочын. Рӱдӧ марий театрыш 1984 ийыште толын да баяным устан шоктымыж дене шуко спектакльым, концертым сӧрастараш полшен. Школ деч вара Морко тӱвыра пӧртыштӧ ыштен, ик жап тысе калык куштышо ансамбльын концертмейстерже лийын.
«Кугарня», «Ямде лий» газет редакций-влакын пашаеҥышт Анатолий Сергеевын ӱмыр лугыч лиймыжлан кӧра ойганат да лишыл еҥже, родо-тукымжо-влаклан шке чаманымашыштым каласат.
А.Сергеев дене 27 мартыште 9.30 шагатлан театр ончылно чеверласеныт.
