Лажъял школ олмыкталтеш

Фотом yk24.ru сайт гыч налме.

Марий Элыште туныктымо тӧнеж-влакым ачалыме паша умбакыже шуйна. Черетыште – Шернур районысо Лажъял школ. Закупки  сайтын  данныйже почеш, школым кугу вашталтыш вуча: тӱжвал тӱсым гына огыл, вентиляцийым, канализацийым, сигнализацийым, вӱдпучым да тулвоштырым вашталтат.

Лажьял школым олмыкташ 38 миллион 246 тӱжем теҥге кайышаш. Кызытсе жаплан Шернур район  администраций подрядчикым кычалеш.