20 мартыште И.С.Палантай лӱмеш тӱвыра да сымыктыш колледжыште Почмо омса кече эртаралтеш.
Колледжыш тунемаш пурымо нерген уверым пален налаш, приемный комиссийлан да вуйлатыше-влаклан йодышым пуаш йӧн лиеш.
Колледжыште туныктымо программе кок факультетыште: академический музык (ончыч И.С.Палантай лӱмеш Йошкар-Оласе музучилище лийын), да тӱвыра да сымыктыш – эрта.
«Студент-влакын талантыштым да моштымашыштым шуараш, тӱвыра да сымыктыш аланыште нуным сай специалист семын кушташ – тӱҥ задачына», – манеш колледжын директоржо А.А.Паскичев.
Туныктымаште практикылан кугу тӱткышым ойырат. Студент-влак тӱрлӧ вере практикым эртат. Икымше курс гычак тыште тунемше ӱдыр-рвезе-влак профессионал мастарлыкым тергыше конкурс ден фестивальлаш ушнат.
Эпидемиологий ситуацийым шотыш налын, Почмо омса кече пӧлка вуйлатыше-влак дене индивидуальный
консультаций семын эртаралтеш.
Колледжыш тунемаш пураш шонышо-влакым да ача-аваштым 20 мартыште 11 шагатлан Тӱвыра да сымыктыш факультетыште (Йошкар-Ола, Йошкар Армий урем, 78-ше номеран пӧрт) да Академический музык факультетыште 12 шагатлан (Йошкар-Ола, Пушкин урем, 26-шо No-ан пӧрт) вучат.
Ирина Александрова.