4 мартыште Икымше канал дене «Юзо пасу» передачым ончыза. Тушто Звенигово оласе 3-шо №-ан школын туныктышыжо Н.Н.Бочкарёва модеш.
Тудын дене пырля Москошко 9-ше классыште тунемше Софья ӱдыржӧ миен. Тыгак передачыште Марий кундемыште палыме «Юлавий» мурышо ансамбльым ужын да колышт кертыда. Вуйлатышыже – Марий Эл тӱвыран сулло пашаеҥже Л.М.Смирнова. Коллективын ныл участницыже «Юзо пасун» сценыштыже «Ай пеш чевер» мурым муралтен. «Лач тынарын тусо изи сценыште йытыран койыт», – ойлен передачын режиссёржо.
….
Марий Эл гыч мийыше участнице финалышке лектын. А умбакыже передачыште мо лиймым кызытеш секретыште кучена – ончыза «Юзо пасум»! Тудо, чынжымак, ю шӱлышан. Теве «Юлавий» ансамбльын участницыже-влак кызытат миен толмыштлан огыт ӱшане, омым ужмыштла веле чучеш.
Тӱрыс статья — «Кугарня» газетыште (4 март).