13 январьыште Шорыкйол пайрем годым ПАРАНЬГА район Матародо ялыште йоча-влаклан изирак мероприятий эртаралтын.
Кечывал деч вара «Сказка русская, народная» фольклор шагатыште шуко руш йомакым шарналтеныт, туштым туштеныт. Тӱвыра пӧртын фойештыже тошто марий модыш дене модыныт, муреныт, куштеныт, калыкмутым ойленыт. Чыла тидым Матародо клубын методистше И.Курочкина ден книгагудо вуйлатыше Л.Морозова эртареныт.