«Идалыкын волонтёржо» лӱмым тений Курск областьысе Курчатов ола гыч Мария Карпенколан пуымо.
Премийым тудлан Россий Президент В.Путин 9 декабрьыште, Доброволец-влакын тӱнямбал кечыштышт, кучыктен. Мария у регионлашке гуманитарный миссийым организоватлен да, шке илышыжлан лӱдыкшӧ улмым ончыде, Курск областьысе Суджа район гыч 120 еҥым луктын. Кызыт тудын фондыштыжо 10 тӱжем утла волонтёр пашам ышта.
Ты премийым налшаш верч 50 тӱжем наре йодмаш лийын.