Тений Марий Элыште йоча-влаклан канаш да тазалыкым пеҥгыдемдаш 202 организаций (лагерь) пашам ышташ тӱҥалеш.
Ола тӱрыштӧ улшо организацийлаште ремонтым ыштыме, кӱлеш оборудованийым налме, сай кадрым погымо.
Канаш толшо йоча-шамычлан тӱрлӧ программым ямдылыме. Нуно патриотический, экологический да инженерно-технический направлениян улыт.
Тыгак каныме организацийлаште «Движение Первых», «Содружество Орлят России» регионысо смене-влак пашам ышташ тӱҥалыт. Сменылаште поход, экскурсий дене коштыт, оҥай мероприятий-шамыч лийыт.