Сӧсна ийын канде лентым шукырак ямдылыза.
Сӧсна — сурт вольык, садлан тений сургӧргысӧ йодыш-влак писын решатлалтыт. Тӱрлӧ кризисым вучыман огыл, конкурент-влак воктечда йомыт. Сӧсна ондалымым огеш йӧрате, йырже улшо тыгай еҥ-влакым поктен шолта.
Сӧсна илышым у семын (креативно) ончышо-влакым йӧрата, садлан тений тыгай да уым кычалше-влак кугу кӱкшытыш шуыт. Канаш каяш пеш сай идалык, тидлан ешартыш оксам ты янлык кӧргыч луктеш.
Сӧсна шкеже лавыраште киен кертеш, но весе-влаклан тыгай йӧным огеш пу: шуко пашам ышташ перна. Тыгодым кеч-могай шонымашым илышыш куштылгын шыҥдараш лиеш.
Сӧсна – йочам ышташ йӧратыше «мадам». Садлан тений шуко изи Сӧсна шочеш. Эрге икшыве-влак шукырак лийыт, садлан канде лентым ямдылыза. Но тиддеч ончыч ятырын загсыш каят, да шуко у еш шочеш.
Сӧсна икмынр ой-каҥашым пуа: арамлан огына шурго, огына лавыртыл, огына кычалтыл. Ласкан да икшырымын илена. Тунам мемнан чылажат сай лиеш.
♈Шорык (21 март-20 апрель)
Тений пиал, сеҥымаш илышыштыда фонтан гай шолын лектыт: пашаштат, мӧҥгыштат. Те шукертак тӱҥалме пашадам мучашке шуктеда. Лач шкалан чот ӱшаныман да тормозым шындыман огыл. Очыни, личный илышыштат вашталтышым пурташ перна. Уда ден тоштыжым тошто иеш кодеда. 2019 ий тыланда пеш оҥай ий лиеш. Шорык-влак путешествийыш тарванат, шукертак уждымо родо-шочшышт деке миен толыт. Тольык мо логалеш, тудым кочман огыл – тазалыкда лунчырген кертеш.
♉Презе (21 апрель-20 май)
2019 ий – у шонымаш-влаклан моткоч поян ий. Те шукертак кӧргыштыда шылын илыше потенциалым, вийым тӱжвак луктыда. Тидлан Сӧсна идалык полша. Пӱрымаш тыланда шуко сайым «кучыктен» пуа, тудын дене шот дене пайдаланаш веле тунемза. Тений мом шонымыдам чыла илышыш пуртен огыда шукто гынат, вес ийлан пеҥгыде фундаментым оптеда. Личный илышыштыдат вашталтыш-влак лийыт, у этап тӱҥалеш.
♊Йыгыр (21 май-20 июнь)
Шкендам шке вашталтеда. Палымыда-влак тендам эсогыл палаш огыт тӱҥал. Шинчаончалтышда, талантда, пашам ыштен моштымыда писе темп дене ончыко каят. Тений шоя обещаний-влак деч шекланыза. Шуко Йыгырым личный илышыште вашталтыш вуча. Тендан деке виян эмоций толеш. Тӱҥжӧ: иктаж-мо огеш лек гын, еҥлан ида сыре, а шкендан йоҥылышдам муза.
♋Рак (22 июнь-22 июль)
Тений Рак-влак виян да цельышкышт шуаш тыршыше лийыт.
Личный илышыштат вашталтыш-влак шукемыт. Чылажат йол гыч вуйыш савырна. У еҥ-влак дене палыме лийыда, романтике шӱлыш авалта, но чылаштлан ӱшаныман огыл. Ешдыме-влак шканышт пелашым муыт. Чылажат сай лийже манын, Рак-влаклан чыным ойлаш да еҥлан чоным почаш тунемман. Тений шке капкылым, тӱсым вашталташ сай ий: вичкыжем кертыда але, мӧҥгешла, чогашылым «куштеда», ӱпдам кужемдеда да тулеч моло.
♌Лев (23 июль-23 август)
«Иктаж-мом чот ыштыме шуэш гын, эсогыл сандалыкышкат чоҥешташ лиеш» тений тыгай девиз дене илаш тӱҥалыда. Чыла гаяк шонымашдам илышыш пуртен кертыда. Финанс ден карьере шотыштат чыла сай лиеш: кеч-могай решений тыланда оксам да сай кумылым конда. А теве лишыл еҥ-влак дене вашкыл нелемын кертеш. Тидыже тендан деч огыл, а нунын действийышт гыч лектеш.
♍Ӱдыр (24 август-23 сентябрь)
Тений тыланда илышдам вашталтыман да уым пуртыман. Паша да мӧҥгӧ веле лийшаш огытыл. Пашаште кадровый вашталтыш вуча. Личный илышыштат вашталтыш сай могырыш лиеш. Тӱҥжӧ: чонышкыда ласкалык толеш да каналтен кертыда.
♎Виса (24 сентябрь-24 октябрь)
Тений кеч-могай вашталтышым тӱҥалме деч ончыч тыланда чыла висыман. Лач шонен ыштыме сомыл веле сай лектышыш конда. Оончыланда кугу цельым шынден кертыда – но тудо шке вийлан ӱшанаш тӱҥалмеке веле шукталтеш. Изи сомыллан вийдам арам ида йомдаре. Личный илышыштыда ласкарак лиеш. Кокыте шонен коштмаш йомеш.
♏Скорпион (24 октябрь-22 ноябрь)
Тендам 2019 ий поснак чот йӧрата. Садлан шонымаш-влакым илышыш лӱдде шыҥдараш тӱҥалаш лиеш. Паша але иктаж вере тунеммаш тений фон семын веле лийын кодыт, вет тӱҥжӧ — личный илыш. Ӱдырамаш ден пӧръеҥ-влак икте-весыштын шинчашкышт пернаш тӱҥалыт.
Пашаште сеҥымашыш шуаш манын, писе лийман да чылажымат лийже манын шуктыман.
♐Пикшызе (23 ноябрь-21 декабрь)
Эре шке вийыштлан ӱшаныше Пикшызе-влак теният тыгаяк кодыда. Тендан йыр у проект, задаче-влак лектынак шогат. Садлан ий мучко эре паша дене толашаш тӱҥалыда. Лач тыгодым у палыме-влак лектыт, у бизнесым почын кертыда. Оксадат эре лиеш.
Тиде ий тыланда куштылгын эрта.
♑Ирказа (22 декабрь-20 январь)
2019 ий «Мотиваций, ончык кайымаш, кушмаш» девиз дене эрта. Кӧ нелылык да паша деч огеш лӱд, тудо кугу кӱкшытыш шуын кертеш. Пырля оксагалтадат кӱжгемеш. Йӧратымаште вашталтыш лийын кертеш. Лишыл еҥ деч ойырлен, вес йӧратымашым муаш, сӱаным ышташ, йочам ышташ йӧн уло. Тӱҥжӧ: мо тений лиеш, чылажат тыланда пайдам гына конда.
♒Вӱд йоктарыше (21 январь-18 февраль)
Тиде ий тендамат куандара. Чылажат сай лиеш, лач окса шотышто гына шонаш логалеш. Чот шуко пашам ышташ перна. Чылажымат жапыштыже да писын ыштыман. Но те чыла кертыда.
Канаш миен толаш йӧн лектеш.
♓Кол (19 февраль-20 март)
Те тений шкаланда, шкендан вийланда ӱшанаш тӱҥалыда! Садлан тений чыла гаяк шонымашда шукталтеш. Эсогыл — лийын кертдымат. Уло Сандалык тыланда полшаш тӱҥалеш. Пашаштат, личный илышыштат вашталтыш-влак лийыт. Шоныде-вучыде, пачерым налаш але изирак пачерым кугыраклан вашталташ, машинан лияш йӧн лектеш.
