1 июльышто «Россия – страна возможностей» президентский платформын «Доброволец России 2020» конкурсын регионысо этапше пытен.
Марий Эл гыч 233 еҥ чыла йодмашым шуктен да финалын нылымше ужашышкыже логалын. Умбакыже федеральный эксперт-влак проект-влаклан акым пуаш тӱҥалыт. Участник-влаклан «Добро. Университет» онлайн-университетыште 22 тӱрлӧ тематический курсым ямдыленыт.
22 еҥ «Доброе дело» номинацийыште шке вийжым терген. Нуно эксперт-влаклан подвиг але сай паша нерген каласкаленыт. Участник-влаклан акым вигак пуэныт.
Моло 211 участник 13 номинаций дене Zoom платформышто шке проектыштым араленыт. Регионышто сеҥыше-влакым шыжым саламлаш тӱҥалыт.
«Доброволец России 2020» конкурсын финалже тений 3-5 декабрьыште Москошто лийшаш.