2025 ийым Россий Президент Отечествым аралышын идалыкше семын увертарен.
Тидын лӱмеш Марий Элыште 200 утла мероприятийым эртараш палемдыме. Нуно фронтовик-влакын подвигыштым да тылыште тыршыше-влакым шарнымылан виктаралтыныт.
Декабрьыште Йошкар-Олаште, Самырык-влак полатыште, Кугу Отечественный сарын 80 ияш сеҥымашыжын Тӱнямбал волонтёр корпусшын регионысо рӱдержым почмо. Тудын задачыже – торжественный мероприятийлаште икоян команде семын полшымаш.
Идалык мучко гражданско-патриотический акций, боевой действийласе участник-влак дене вашлиймаш, Патырлык урок, экскурсий, выставке-влак, лагерьлаште тематический смене ден спорт таҥасымаш-шамыч лийыт.
Чыла нине мероприятий-влак кызыт моткочак кӱлыт, кунам салтакна-шамыч специальный военный операцийыште геройлын кредалыт, Россий верч шогат да мландыштына нацизм ынже лий манын тыршат.