Кодшо кечылаште Марий Эл Республикысе психолого-педагогический, медицине да социальный полышым пуышо «Детство» рӱдерын специалистше-влак #ЛюдиКакЛюди Российысе инклюзивный фестивальым эртарымашке ушненыт.
Тудын цельже: чыла йочалан келшыше социальный, образовательный ик кумдыкым ышташ; еҥ-влаклан аутизм нерген палдараш, тыгай черан да моло ментальный нарушениян икшыве-влакым ончен куштышо ача-авалан полышым налын кертме шотышто каласкалаш; педагог ден специалист-влаклан коррекционный пашаште сай практике паша дене палымым ышташ.
Тиде жапыште «Детство» рӱдерын ВКонтакте соцкылысе лаштыкыштыже (https://vk.com/detstvo.mariel) обзорым да онлайн-мероприятийым эртарыме, ты рӱдер пелен туныктышо-влаклан семинар-практикум лийын.
Фестивальын регионысо площадкышкыже тений 200 утла еҥ ушнен.