200 еҥ пурыман Boeing самолёт чоҥештылаш тӱҥалеш

Фотом www.marpravda.ru сайт гыч налме.

Кум ий жапыште Йошкар-Оласе аэропортын еҥым шупшыктымыжо кум пачаш кушкын.

2019 ийыште 6217 пассажирым шупшыктен, 2020 – 14446 еҥым, 2021 ийыште чот 22060 еҥлан шукемын. Тений 3700 утла пассажир самолет дене тӱрлӧ верыш чоҥештен шуктеныт.  Кодшо ийын тиде жапыштак 2300 еҥ чоҥештен. Тидын нерген Марий Элын вуйлатышыже Александр Евстифеевлан Йошкар-Оласе аэропортын директоржо Юрий Минченков каласен.

Регионын главаже палемден, транспорт инфраструктурышто да корно озанлыкыште вашталтыш республикын социал-экономикыжым вияҥдымашлан сай негызым ыштат.

«У терминал-влакым, самолетым нӧлтал колтымо да шындаш полмышо корно-влакым пыштымаште эн шуко паша погынен. Туге гынат кызытсе терминал пашам сайын шукта», – ойлен Александр Евстифеев.

Пассажир терминалым чоҥаш 1 млрд. 475 млн. теҥге кӱлеш.  2023 ийыште  чоҥымо да реконструкций паша тӱҥалшаш. Тудо 180-200 еҥ пурыман Boeing 737 самолет-влаклан чоҥешташ йӧным ышта.