Марий Эл Республикыште илыше пагалыме еҥ да уна-влак!
Тендам эн волгыдо да вучымо теле пайрем-влак – У ий да Рошто – дене саламлем! Нуно сай кумылым да сай вашталтышлан ӱшаным кондат.
2021 ий мучашке лишемеш. Вашке лишыл еҥна-влак дене пайрем ӱстел коклашке погынена, икте-весылан шокшо мут, сеҥымашна, планна да эн шерге шонымашна-влакым каласена.
Эртыше идалыкыште ятыр сеҥымаш лийын, шуко паша ышталтын. Кумылым нӧлтышӧ вашталтыш-влак чыла аланыште: образованийыште, тӱвыраште, корным ыштымаште да илыме верым чоҥымаште, ялозанлыкыште, тазалыкым аралымаште да моло вереат – улыт.
Марий Элыште илыше-влаклан Йошкар-Олаште перинатальный рӱдерын кӱкшӧ технологиян корпусшым чоҥен шуктымаш да Волжскышто азам ыштыме отделенийым ышташ тӱҥалмаш – кугу событий.
Яков Эшпай лӱмеш Марий кугыжаныш филармонийым чоҥымаш – идалыкын эше ик кугу сеҥымашыже. Артист-влак кандашлу ий утла тӱвыра просветительский пашам тӱрлӧ театрысе площадкым айлен шуктеныт.
Социальный объект-влакым чоҥымаш ик кечыланат ок чарне. Тений ныл йочасад 575 ньогалан шке омсажым почын.
Медведево посёлкышто да Марий Турек район Сардаялыште школ-влакым ыштен шуктат.
Сентябрьыште 21-ше «Точка роста» образований рӱдер пашам тӱҥалын.
Марий Элыште автокорным чот олмыктымо да ыштыме жап шуын. 2021 ийыште гына 290
меҥге утла корным ачалыме.
Марий Элыште илыше кажне еҥлан пашам йӧратен ыштымыжлан да шочмо кундемнам йӧратымыжлан таум ойлем. Эртыше идалык сеҥымаш да поро паша-влак дене шарналт кодеш.
Шергакан йолташ-влак! Тек 2022 ийыште чылажат шукталтеш!
Пиалым, пеҥгыде тазалыкым, еш ласкалыкым тыланем!
У ий дене! Марий Эл Республикым вуйлатыше
А.А.ЕВСТИФЕЕВ.