1969 -ше ийыште Даманский пелотрошто лийше конфликтым шарнен.

Совет Ушемын  Мӱндыр эрвелыштыже  1-2 -шо мартыште,  варарак, 14-15 ше мартыште Даманский  пелотрошто Китай салтак-влак, мемнан элын чекшым пудыртеныт. Тыге  мемнан да Китай эл коклаште  военный конфликт ылыжын. Тыгодым ятыр совет пограничник элнам арален вуйжым талешкыла пыштен. Нуным шарныме лӱмеш теҥгече Йошкар-Олаште пограничник-влакым шарныме лӱмеш  стелле воктеке, ончычсо пограничник, кадет да школлаште  тунемше-влак венок да пеледыш аршашлам пыштеныт.