Тыге маналтеш Петропавловск-Камчатский оласе Сеҥымаш паркыште 2019 ийыште почмо памятник.
Кугу Отечественный сар годым Камчаткысе калыкын тылыште тыршымыжлан пӧлеклалтын. Йӱштым-шокшым чытыше пластик гыч ямдылыме памятникым Оренбург гыч ыштен конденыт. Скульптур группыш икмыняр фигур пура: пӱчым ончышо пӧръеҥ, колызо, ӱдырамаш да подростко корабльын ончыл ужашыштыже шогат. Пӱчым ончышо еҥын кидыштыже – винтовко, колызо вапшым кучен, рвезе корабльысе канатым кнехтыш (палубысо тумбыш) пӱтыра. Постаментын ончыл ужашыштыже возымо: «Труженикам тыла 1941-1945 годов» участникам трудового фронта Камчатки в годы Великой Отечественной войны». Плитке дене оптымо площадкыште шарнымаш оҥам вераҥденыт, тушто ты монументым ямдылымашке ушнышо Петропавловск-Камчатский оласе предприятий ден организаций-влакым возымо.
Википедий гыч налме фото.