19 майыште эрдене лупс уке гын, йӱран игечылан.
20 майыште йӱран игече шога – сентябрь леве лийшаш.
21 майыште йӱр йӱреш гын, поҥго сайын лекшаш.
22 майыште эрдене тӱтыран да ночко гын, лупс дене мушкылташ темленыт ожно, тиде вийым да тазалыкым пуа, а мландылан — сай лектышым.
23 майыште эрденак мӱкш-влак чоҥештылыт – кече ояр лийшаш.
24 майыште кукшо игече шога гын, кеҥежат кукшо лийшаш.
25 майыште шӱшпык йӱдвошт лым лийде мура – сай игечылан.