18 августышто кечывалым ояр, а кас велеш пыл погынаш тӱҥалеш гын, йӱрым але игече вашталтмым вучыман.
19 августышто игече йӱран – ночко шыжылан.
20 августышто тӱтыра кече лекме деч вара пыта – игече сай лийшаш.
21 августышто мардеж поснак виян гын, куван кеҥеж марте йӱштӧ лийшаш.
22 августышто йӱр йӱреш – август мучаш марте лавыртыш шогышаш.
23 августышто ночко игече шога гын, шыже йӱран, но леве лийшаш.
24 августышто волгыжмо годым йӱр йӱреш – арня мучко ночко игечым вучыман.