24-26 сентябрьыште Пошкырт кундем Мишкан селаште Мер Каҥашын эртарыме Марий форумжын «Тӱвыра да самырык тукым» темылан пӧлеклалтше сессийже лийын. Тышке Российын тӱрлӧ кундемыштыже илыше 200 наре еҥ погынен. Кугыжаныш пашаеҥ ма, тӱвыра аланыште тыршыше, мер сомылым шуктышо, туныктышо-влак – кажне шочмо йылмыже верч коляна, тудым вияҥден колташ манын, уло чонжо дене тырша.
Форумыш толшо-влак куд тӱшка дене пашам ыштеныт:
✅ «Марий йӱла»
✅ «Ял да ола»
✅ «Еш, шочмо йылме да образований»
✅ «СМИ да цифровой технологий-влак»
✅ «Тӱвыра да этнобренд»
✅ «Самырык-влак дене пашам ыштымаш»
Кажне тӱшкаште кызытсе илышыште вашлиялтше нелылык-влак шотышто каҥашеныт, нуным кузе рашемдаш лиймым радамленыт…
(Кумданрак газетнан у номерыштыже лудса)
