МОРКО район Арын селаште «Золотые купола — 2021» лу кечаш православный трудовой десант пашажым пытарен. Тушко йоча-влак Марий митрополий гыч веле огыл, тыгак Угарман кундем, Татарстан Республик, Санкт-Петербург гыч толыныт. 7-17 ияш чылаже 90 наре ӱдыр-рвезе погыненыт. Программыште – командыште пашам ышташ, ваш полшаш туныктышо модыш-влак, шкем да йолташым сайынрак пален налаш полшышо занятий-шамыч. Йоча-влак крестный ход дене Арын гыч Кокласола ял марте да мӧҥгеш коштыныт, черкыште литургийыште лийыныт.