2 август – Россий Федераций Воздушно-десантный войска кече. Йошкар-Олаште Сеҥымаш бульварыште кодшо кечылаште 6-шо рото боец-влакын фотографиян стойко-влакым вераҥдышт.
Ты аллей Йошкар-Олаште шочшо, Российын Геройжо, ты ротын комбатше Марк Евтюхинын бюстшо воктеч тӱҥалеш да Рябинин урем декыла шуйна.
42 портрет гыч ӱмбакына герой-влак (нуно 2000 ийыште Чечняште Аргун ущельеште геройла коленыт) ончат. Кажныж нерген портретышт йымалне лудаш лиеш. Колымышт годым шукынжо моткоч самырык лийыныт.
Ты пашам РФ «Десантник-влак ушемын» регионысо ушемже, ветеран-влак организаций шуктеныт.