Спорт фестиваль

Минспорттуризма Марий Эл

23 июльышто СОВЕТСКИЙ посёлкышто «Экстрим парк» каныме базыште «Больше, чем спорт!» республикысе спорт фестиваль начар тазалыклан еҥ-влак коклаште лийын. Фестиваль физкультурлан да спортлан кумылаҥдаш, начар тазалыкан еҥ-влаклан калык коклаште шкеныштым ласкан шижаш, Марий Элысе «Всероссийское общество инвалидов» организацийын районласе да олаласе пӧлкаже-влак коклаште кылым пеҥыдемдаш эртаралтын. Таҥасымаш программыш волейбол, «Весела старт», пневматик винтовко дене лӱйкедылмаш да молат пурен.