Изи Какшан эҥерым аралаш Марий Эллан 164 миллион теҥгем колтат
2025-2028 ийлаште Изи Какшан эҥерын йогынжым шотыш кондымо шотышто проектым илышыш пурташ 164,1 миллион теҥгем ойырат, Марий Элым Вуйлатыше Юрий Зайцевын пресс-службыжын информацийже почеш «Ъ Волга-Урал» увертара. Тиде пашалан окса федерал бюджет гыч ойыралтеш. 2025 ийыште тидлан 10 миллион теҥгем ойырымо.
Изи Какшан эҥер йогыным 2023 ийыште эрыкташ тӱҥалме. Проект вӱд объектым аралымашлан виктаралтын, паша 2027 ий марте шуйна. Проектын чумыр акше – 43,6 миллион теҥге, 2025 ийыште пашалан 5,7 миллион теҥгем ойырымо.
Проектым мучашлаш 2025 ийыште Марий Эл Правительстве ешартыш финансированийлан Росводресурсыш йодмашым колтен. Субвенций резерв гыч 10,5 миллион теҥгем йодмо, но пунчалым але лукмо огыл.