Марий Элым Вуйлатыше Ю.Зайцев «#МыВместе!» тӱнямбал премийын регионысо этапыштыже сеҥыше-влакым саламлен.
Республикыште 16 пашам эн сайлан ойыреныт. Нуно ветеран, СВО участник-шамычлан полшымо, пӱртӱсым аралыме, шарнаш кӱлмӧ вер-влакым шотыш кондымо, таза илыш-йӱлам кучымо дене кылдалтыныт.
– Те Марий Элын кугешнымашыже, пример, да пеҥгыде обществым чоҥымаште негыз улыда. Республикым вияҥдымаште тыршымыланда тау! У сеҥымашым, кӱкшытым тыланем! Тендан дене кугешнена! – ойлен Ю.Зайцев.
Марий Элым Вуйлатышын пресс-службыжын фотожо.