Юл эҥерын кечынже, 20 майыште, Йошкар-Олаште IV Волжский экологический диктантым возеныт.
Тений ты мероприятий «Сохраним Волгу – Волга символ России» девиз дене эртаралтын. Ты кечын Волгатехыште 155 еҥ диктантым возен. Тений текстым онлайн-режим денат сераш йӧн лийын. Сеҥыше-влак таче пале лийыт, нунылан дипломым кучыктат.
Марий Элысе Пӱртӱс поянлык, экологий да йырым-йырысе средам аралыме министерствын сайтше гыч налме фото.