2022 ийыште Марий Элысе книгагудо-влак нацпроект дене 15000 книгам налыныт.
«Культура» нацпроект дене 15700 книгам кодшо ийын республикысе библиотекылаш колтеныт. Фондым комплектоватлаш 6,6 млн теҥгем ойырымо лийын.
Книгам налаш лудшо-влакын йодмыштым шотыш налыныт. Тыгак школ программе дене кӱлеш книгам заказатленыт. Тыге, мутлан, «Российын историйже», «Школ книгагудо», «Узнай мир» налыныт.
2020 ий годсек Марий Элыште шым книгагудым уэмденыт. Тушко калык утларак кошташ тӱҥалын, манын палемдат.