15 вере уэмдаш тӱҥалыт

Марий Элыште 15 опорный населённый пунктым палемдыме.

Медведево посёлкым «новые точки роста» категорийыш пеҥгыдемдыме, Йошкар-Олам – ола агломераций ден РФ субъект-влакын административный рӱдер категорийышкыже. Волжск, Козьмодемьянск, Звенигово ола-влакым, Килемар, Кужэҥер, Марий Турек, Морко, У Торъял, Оршанке, Параньга, Шернур, Советский да Юрино посёлкылам моло населённый пунктлан шотлымо. Тушто «Инфраструктура для жизни» у нацпроект почеш социальный, илыме-коммунальный да транспорт инфраструктурым уэмдаш тӱҥалыт. Чыла тидыже регионысо экономикым вияҥдаш полшышаш.

Россий Правительстве Председатель М.Мишустинын вуйлатымыж почеш эртарыме мероприятийыште Марий Элым Вуйлатыше Ю.Зайцеват лийын. Тушто «Развитие инфраструктуры в опорных населённых пунктах» федеральный проектым каҥашыме.

Премьер-министр кундем-шамычлан полшымо нерген ойлен да идалык мучаш марте Российысе кумдыклам тӱзатыме стратегий ямде лийшаш манын.

«Иканаште тӱрлӧ направлений дене пашам ыштыман – оласе условийым саемдыман, тыгодымак транспортный, промышленный инфраструктурым ыштыман, электрогенераций объект-влакым, кыл линий-влакым уэмдыман», – каласен М.Мишустин.

Кызыт Россий Президент В.Путинын кӱштымыж почеш опорный населённый пункт-влакым уэмдыме единый стандарт ден ола-влакым тӱзатыме мастер-план ямдылалтыт. Частный инвестиций-влакым кумылаҥдаш механизм-влакат ышталтыт.

Марий Элым Вуйлатышын пресс-службыжын фотожо.