18-25 июльышто Медведево район Сенькан ялыште верланыше «Радужный» йоча тунемме рӱдерыште «Великие открытия» смене пашам ыштен.
Тушко Республикысе психолого-педагогический класслаште тунемше 15 йоча ушнен. Школ да йоча пагыт нерген произведенийла почеш квест, «Педагог – профессия будущего» форсайт-сессий, тренинг, мастер-класс, уш-акылым пойдарыме модыш, конкурс, спорт да каныме мероприятий-влак лийыныт, туныктышо-влак дене вашлийыныт.