Тыге маналтеш Марий тӱвыра рӱдерын эртарыме регион-влак кокласе музыкальный конкурсшо. Тудым июньышто увертарыме ыле. Конкурсым кеҥеж жаплан шуйымо.
Конкурсыш мурым да почеламутым возышо кажне еҥ ушнен кертеш. Автор-влакын пашашт эн изи ийготан, тыгак 3-10 ияш икшыве-влаклан возалтшаш. Мурын текстше вес авторын лийын кертеш, кеч-могай темылан марла серыман. Кажне участниклан кум муро марте колташ лиеш.
Конкурсыш колтыман:
– текстым DOC форматыште,
– нотым SIB, TIF але PDF форматыште,
– аудиозаписьым MP3 форматыште, тыгодым 6 МБ деч кугу лийшаш огыл.
Паша-влакым 24 сентябрь марте колташ лиеш. 1 октябрьыште, Тӱнямбал музык кечын, иктешлалтеш.
Вара, муро да ното-влакым чумырен, электрон сборник савыкталтеш.