Калык ойпого коклаште йомак моткоч кугу верым налеш, тудо уш-акылым пойдара. Йоча-влак, таче ме тендам йомакым шке шонен возаш да келшыше йомаклан сӱретым сӱретлаш ӱжына. Тыланда ача-авада, коча-ковада, туныктышыда-влак полшен кертыт. Йомакым рушлат, марлат возаш лиеш. Пашада-влакым редакцийышкына колтыза. Тушко йоча-влакат, кугыеҥ-влакат ушнен кертыт.
Тыгай номинаций-влак лийыт:
марла возымо йомак;
рушла возымо йомак;
келшыше йомаклан сӱрет.
Сеҥыше-влакым 
1 июнь вашеш палемдена. Сеҥыше-влаклан «Ший Пампалче» тоштерыш ӱжмаш да моло пӧлек лиеш. Кажне участниклан сертификатым кучыктена.