27 апрельыште Марий Элым вуйлатыше А.Евстифеев республикыште илыше 14 еҥлан кугыжаныш наградым кучыктен.
Россий кӱкшытан
«Россий Федерацийысе ялозанлыкын сулло пашаеҥже» лӱмым Курыкмарий районысо Мосолов лӱмеш племзавод-колхоз ялозанлык кооперативын трактористше Вячеслав Малышевлан пуымо.
«Россий Федерацийын сулло энергетикше» лӱм дене Йошкар-Оласе 1-ше №-ан теплоэлектроцентральын директоржо Игорь Бондарчук палемдалтын.
Россий Президент В.Путинын пунчалже почеш Российыште телевещанийын цифровой форматышкыже куснымо шотышто проектым илышыш шыҥдарымылан Марий Эл Республик Правительстве председательын икымше алмаштышыже Михаил Васютиным Элым вуйлатышын тауштымашыж дене палемдыме.
Марий Эл Республикысе наградым налше-влакын лӱмыштым «Кугарня» газетын 29 апрельыште лекше газетын 3-шо страницыштыже лудаш темлена.
Д.Речкинын фотожо.