Марий Элыште аварийный пӧртлаште илыше-влаклан тений «Жильё и городская среда» программе почеш 13 у пӧрт чоҥалтеш.
Нине тошто пӧртлам 2017 ий 1 январь марте аварийныйлан шотлымо. Шошым Оршанке районышто 28 еш у пӧртышкӧ кусна. Волжскышто кызыт 36 пачеран пӧртым чоҥат. Йошкар-Олаште программын участникше-влаклан администраций 15 илыме верым налын пуэн. Козьмодемьянскыште 24 ешлан пӧрт октябрь марте ямде лийшаш. Волжский район Шарача селаште 28 ден 11 пачеран пӧрт-влакым чоҥат. Шернур посёлкышто 31 да 32 пачеран пӧрт-влак нӧлталтыт. А Марий Турек посёлкышто 66 ешлан пӧртым октябрьыште шуктышаш улыт. Тыгак Кужэҥер, Морко, У Торъял, Параньга районлаште пӧрт-шамычым чоҥат. Тушто 70 наре еш идалык мучаш марте у пачеран лийшаш.