13 медаль!

Москошто начар тазалыкан еҥ ден инвалид-влакын профессионал мастарлыкыштым тергыше «Абилимпикс» национальный чемпионатыште Марий Эл гыч 16 еҥ 9 компетенцийыште таҥасен.

Нуно вич шӧртньӧ, вич ший да кум той медальым сеҥен налыныт. Визажым ыштымашыште А.Кузьмина икымше верыш лектын. Йолчиемым ачалымаште И.Павлов икымше верым налын, Д.Корнишин – кокымшым. Тӱрлымаште М.Милосердова икымше верым сулен, Л.Новосёлова – кокымшым. Пум пӱчкедымаште школышто тунемше И.Шуталев, специалист-влак коклаште С.Полянин икымше лийыныт, В.Фёдоров – кокымшо, Е.Данилов – кумшо. Спице дене пидмаште – А.Петрован кокымшо вер, сӱретлымаште В.Малыгинын – кумшо. «Сборка-разборка электронного оборудования» компетенцийыште А.Соколов кокымшо верыш лектын, «Столярное дело» компетенцийыште Д.Смирнов – кумшыш. Тыгак «Вместе сильнее!» выставкыште Л.Новосёлован пашажым икымше вер дене акленыт.