8 октябрьыште Россий Судебный пристав-влак федеральный службын (ФССП) Марий Элысе управленийже ГИБДД пашаеҥ-влак дене пырля черетан рейдыш лектыныт. «Дорожный пристав» аппаратно-программный комплекс рӱдолаште тергыме 150 утла автотранспортым парыман еҥын манын ончыктен.
ФССП-н пресс-службыжын увертармыж почеш, пристав-влак водитель-влаклан парымыштым вигак тӱлаш темленыт, а тореш лийше-влакын транспортыштым, моло погыштым арестоватленыт. Чылаже 280 тӱжем теҥгем тӱлыктеныт, 13 машина арестыш логалын.
Ик парыман еҥын руль воктеке йӱшывуя шичмыже рашемдалтын.
«Дорожный пристав» комплексым республикыште идалык утла кучылтыт. Тудо эртен кудалше машинан номержым пристав-влак службын данныйже дене терга. Парым уло гын — шижтара. Автомашинам чарен шогалташ да тергаш гына кодеш тыгай годым.
Палдара пресс-службо.