12 майыште шӱдыран йӱд да леве кас лиеш гын, поян шурно лектышым вучыман.
13 майыште эр кече оярен лектеш гын, кеҥеж сай лийшаш.
14 майыште пылан кечын шӧршудо пеледыш ок петырне – игече саемеш.
15 майыште кастене лупс возеш – ояр кечым сӧра.
16 майыште ояр кече – кияр сайын шочеш.
17 майыште шӱшпык йӱдвошт мура – ояр кечылан.
18 майыште мланде вӱдым шуко йӱеш гын, кеҥеж кукшо лийшаш. Мланде ӱмбалан вӱд кодеш – ночко кеҥежым вучыза.