22-27 мартыште рӱдолаште «Театральная Йошкар-Ола» фестиваль эртаралтеш. Тудо Театр пашаеҥ-влак ушемын марий пӧлкажлан 80 ий теммылан пӧлеклалтын.
Тений тургымысо 11 премьер спектакльым аклаш лукмо.
Спектакльлам, актёр-влакын мастарлыкыштым Моско гыч толшо да Йошкар-Ола гыч улшо виян, тале театровед-влак аклаш тӱҥалыт.
Фестиваль 22 мартыште Марий самырык театрын сценыштыже «Сторож» лирический комедий дене почылто. Рушарнян, 27 мартыште, тудо Республикысе курчак театрыште мучашлалтеш. Тушто ойыртемалтше-влаклан Й.Кырла лӱмеш национальный театральный премийым кучыктат.