Кажне ийын Марий Эл Республикыште студент-влак коклаште Юл кундем федеральный округын Интеллектуальный олимпиадышкыже логалаш регионысо этап эртаралтеш.
Тений ты олимпиадылан 100 утла студент ямдылалтеш. Нуно «Парламентские дебаты», «Управленческие поединки», «Робототехника», «Программирование», «Что? Где? Когда?» интеллектуальный модмаш, «Конкурс инженерных команд» программыла дене шинчымашыштым тергат.
Регионысо этапыште сеҥыше-влак окружной этапыш шыжым Марий Элын чапшым аралаш Саранск олаш каят.