КУЖЭҤЕР районышто илыше пӧръеҥ 100 тӱжем теҥгелан ондалалтын. Тудлан пуйто Росздравнадзор гыч пашаеҥ йыҥгыртен. Саде пӧръеҥлан ончыч налме уда качестван препаратлан 450 тӱжем теҥге компенсацийым пӧртылтат манын ойлен. Садланак пӧръеҥ сатум намиен шуктымылан да страховкылан оксам колтышаш улмаш.
Мошенник-влакын ойлымо счётыш оксам колтымеке, пӧръеҥ ондалалтмыжым умылен. Уголовный пашам почмо.