Тылыште тыршыше Клавдия Сергеевна Цветкова 100 ияш лӱмгечыжым палемден 
Тудо Курыкмарий районышто шочын. Йочаж годым тудын ешыжым кулак семын Соликамскыш ссылкыш колтеныт.
Сар жапыште педучилищым экстерн йӧн дене тунем пытарен да тӱҥалтыш класслаште туныктышо лийын. Клавдия Сергеевна ӱмыржӧ мучко шочмо районыштыжо шуко йочам туныктен луктын.
1949 ийыште школышто пашам туныктышылан ыштыше, авиамодельный кружокым вӱдышӧ Иван Васильевич Цветковлан марлан лектын. Пырля кум йочам ончен куштеныт.
Кызыт Клавдия Сергеевна Йошкар-Олаште ӱдыржӧ дене ила. Кужу ӱмыран еҥым Марий Элысе Паша да социальный аралтыш министрын алмаштышыже Галина Ярцева шочмо кечыж дене саламлен.
Шокшо да поро тыланымаш дене тудо Россий Президент Владимир Путин да Марий Элым Вуйлатыше Юрий Зайцевын лӱмышт дене саламлымашан открытке-влакым, шарнымашан пӧлек ден пеледышым кучыктен.
Марий Элысе Паша да социальный аралтыш министерстве.