Волжскысо индустриально-технологический техникумышто 2-шо курсышто тунемше Юлия Волостнован возымо сочиненийже – тений Российысе сочинений конкурсышто 100 эн сай паша-влак коклаште.
Конкурсым Москошто иктешленыт, элнан 58 регионжо гыч ӱдыр-рвезе-влак тушто сеҥышыш лектыныт. Юлиян «Теория милосердия. Дневник волонтёра» пашажым 100 эн сай сочинений сборникыште савыктат.
Марий Элысе Образований да науко министерствын палдарымыж почеш, конкурсын федеральный этапышкыже 442 паша пурен, республикна гыч – 5.
Марий Элысе Образований да науко министерствын сайтше гыч налме фото.