Марий Элыште ЕГЭ-н результатше рашемын.
Икымше экзамен-влакым иктешлыме почеш вич выпускник 100 баллым поген: химий дене – кум еҥ, географий дене – 1 еҥ да литератур дене – 1 еҥ.
Химий дене экзаменым 317 выпускник кучен. Волжский район Приволжский, Курыкмарий район Пайскырык школла, Морко район Коркатово лицей гыч 100 балым погеныт.
Литератур дене ЕГЭ-м 90 тунемше сдатлен. Волжск оласе 9-ше №-ан школ гыч выпускнице 100 баллым поген, 15 выпускник – 81 да шукырак баллым.
Географий дене экзаменым 73 выпускник сдатлен. Волжский район Кугу Порат школ гыч тунемше 100 баллым поген, ныл еҥ – 81-99 баллым.