10 мартыште игече сай гын, кеҥеж шокшо лийшаш.
11 мартыште мардеж кечывалвел але кечывалвел–касвел гыч пуа – игече левыкта.
12 мартыште пӧрткайык-влак леведыш йымак погынен пуныштым ойыркалат – шокшо толшаш.
13 мартыште йӱр йӱреш гын, ночко кеҥежлан.
14 мартыште кече могай – кеҥежат тугаяк лийшаш.
15 мартыште кечывалым кече ончалеш – сай кинде лектышлан.
16 мартыште агытан чӱчкыдын кычкыра гын, игече локтылалтшаш.