30 июльышто Козьмодемьянскыште «Бендериада» мыскара да сатире фестиваль эртаралтын. Остап Бендер да тудын йолташыже-влак дене вашлиялташ йӧн лийын.
«Акпарс» социал-тӱвыра рӱдерын художественный руководительже Ирина Якимычева ты фестивальлан лӱмынак монетым шонен луктын. Тудо Санкт-Петербургышто илыше Денис Михеев апшат деч шарнымаш монетым таптен лукташ йодын.
Кызыт «1 Остап» монетым кум металл гыч луктыныт : вӱргене, той да алюминий.