РЕДАКЦИЙ ПАШАЕҤ-ВЛАК

Овчинникова Ирина Веденеевна

1975 ий 25 декабрьыште Параньга район Тошкемнур ялыште шочын. Шинчымашым Олор, Усола школышто поген. 2000 ийыште МарГУ-м тунем пытарен.

«Кугарняште» 2023 ий сентябрь гыч.

Токтарова Наталья Константиновна

1993 ий 25 ноябрьыште Йошкар-Олаште шочын. Тыштак 6-шо номеран школышто тунемын. 2010 – 2013 ийыште «Политехник» колледжыште бухгалтерлан тунемын, вара 2013-2018 ийлаште – ПГТУ-н управлений да право факультетшым. 2021 ийыште Марий кугыжаныш университетысе общий да профессиональный образований факультетын магистратуржым тунем пытарен.

2014-2024 «Ямде лийыште» да 2024-2025 «Марий Эл» газетыште дизайнерлан пашам ыштен.

«Кугарняште» 2025 ий сентябрь гыч тырша.

Лаврентьева Надежда Анатольевна

1998 ий 24 апрельыште Морко район Макарсола ялыште шочын. 2005 ийыште 1 классыш Тошметсола ялысе Горельский школыш каен, вара Нуж-Ключ кыдалаш школым 2016 ийыште тунем пытарен. 11 классым тунем пытарымеке Марий Кугыжаныш Университетын Калыкле тӱвыра да тӱвыра кокласе кыл институтышто марий йылме да литератур туныктышылан 2021 ийыште тунем лектын.

2020-2022 «Ямде лий» газетыште дизайнер-верстальщиклан тыршен.

2023 ий март тылзе гыч «Кугарняште» интернет редакторлан ышта.

Речкин Иван Никандрович

1956 ий 19 апрельыште У Торъял районышто шочын. Немда кыдалаш школышто, вара МарГУ-што тунемын. Марий Эл гостелерадиошто кинооператорлан, МВД-ште, «Ямде лий», «Путь к коммунизму», «Сельская новь», «Марий коммуна» («Марий Эл»), «Йошкар-Ола» газетлаште фотокорреспондентлан ыштен. 1989 ий гыч СССР (Россий) журналист-влак ушемын членже. Марий Эл тӱвыран сулло пашаеҥже.

2009 ий гыч «Кугарня» газет редакцийыште тырша.