Ирина Вильевна Степанова, тӱҥ редактор.
1974 ий 23 декабрьыште Пошкырт кундем Мишкан районысо Тӧҥгак ялеш шочын. Тӧҥгак тӱҥалтыш, Эшым индешияш да Ардаш кыдалаш школ-влакым тунем лектын. 1992-1997 ийлаште Марий кугыжаныш университетыште тунемын.
1997 ий апрель гыч «Кугарня» газетыште ышта.
Ирина Николаевна Гурьева, тӱҥ редакторын алмаштышыже.
1979 ий 5 июньышто Шернур район Мустай ялыште шочын. Советский район Никольский почиҥгасе (Большеникольск) тӱҥалтыш, Кужэҥер районысо Ӱштымбал кыдалаш школ-влакым лектын. 1997-2001 ийлаште Марий кугыжаныш университетыште тунемын.
2001 ий август гыч «Кугарня» газетыште ышта.
Эльвира Терентьева, журналист, кусарыше.
1975 ий 30 августыште Марий Турек район, Марий Купто ял гыч. Марий Турек кыдалаш школысо педклассым, вара Марий кугыжаныш университетым тунем пытарен. Шкенжым поэзийыште терга, Наташа шӱжарже дене коктын «Ал пеледыш» сборникым савыктен луктыныт.
1997 ий гыч «Кугарня» газетыште пашам ышта.
Анастасия Михайлова (Эманова), журналист.
1990 ий 13 ноябрьыште Морко район Кораксола ялыште шочын. Шӱргыял кыдалаш школышто тунемын. 2008 ийыште МарГУ-ш тунемаш пурен. Филологий да журналистике факультетысе журналистике отделенийыште шинчымашым поген.
2012 ий гыч «Кугарня» газетыште тырша.
Елена Годунова, журналист.
1990 ий 9 июльышто Морко район Тойметсола ялыште шочын. Ончыч О.Ипай лумеш Кумужъял кыдалаш школышто, вара Морко посёлкысо 2-шо номеран школышто шинчымашым поген. Школ деч вара МарГУ-што журналистлан тунем лектын.
2016 ий гыч «Кугарня» газетыште тырша.
Иван Речкин, фотокорреспондент.
1956 ий 19 апрельыште У Торъял районышто шочын. Немда кыдалаш школышто, вара Марий кугыжаныш университетыште тунемын. Марий Эл гостелерадиошто кинооператорлан, МВД-ште, «Ямде лий», «Путь к коммунизму», «Сельская новь», «Марий коммуна» («Марий Эл»), «Йошкар-Ола» газетлаште фотокорреспондентлан ыштен. 1989 ий гыч СССР (Россий) журналист-влак ушемын членже. Марий Эл тӱвыран сулло пашаеҥже.
2009 ий гыч «Кугарня» газет редакцийыште тырша.
«Кугарня» газет редакцийыште тӱрлӧ жапыште тыршеныт
Попова Татьяна Вениаминовна, дизайнер
1989 ий 24 сентябрьыште Шернур район Куракин ялыште шочын. 1-5 классым Куськин школышто, умбакыже 11 класс марте Кукнур школышто тунемын. 2007 гыч 2012 ий марте МарГУ-што филологий да журналистике факультетыште шинчымашым поген.
«Кугарняште» 2013 ий апрель гыч 2025 ий сентябрь марте ыштен.
Марина Богданова (Чермакова), журналист
1993 ий 5 январьыште Параньга район Олор ялыште шочын. Олор ялысе школышто тунемын. 2010-2015 ийлаште Марий кугыжаныш университетыште тунемын.
2015 ий сентябрь гыч 2024 ий марте «Кугарня» газет редакцийыште ыштен.
Ирина Шибанаева, кадр-влак шотышто инспектор.
Кужэҥер район Токтайбеляк ялыште шочын. кыдалаш школым тунем пытарен, Марий кугыжаныш университетын историй да филологий факультетын руш филолог пӧлкаштыже кӱшыл образованийым налын.
2018 ий гыч 2024 ий марте «Кугарня» газетыште пашам ыштен.
Светлана Владимировна Чулкова, тӱҥ бухгалтер.
Кужэҥер районысо Токтайбеляк ялыште шочын.
2019 ий гыч 2024 ий марте «Кугарня» газет редакцийыште тыршен.
Эдуард Аркадьевич Иманаев, «Кугарня» газетын ончычсо директоржо.
1977 ий 31 октябрьыште Волжский районысо Кÿшыл Азъял ялыште шочын. 2000 ийыште Марий кугыжаныш университетым тунем пытарен. 1999-2015 ийлаште «Марий Эл» газет редакцийыште тыршен.
«Кугарня» газет редакцийыште 2015 ий 1 октябрь гыч 2024 ий январь марте ыштен.
Вероника Ядыкова (Мустаева), журналист.
1995 ий 19 июньышто Шернур район Кугу Мушко ялыште шочын. Шернур посёлкысо 1-ше номеран школышто тунемын . 2013-2018 ийлаште МарГУ-што Калыкле тӱвыра да тӱвыра кокласе коммуникаций институтышто тунемын.
2022 ийыште МарГУ-што филологий направлений дене магистратурым тунем лектын.
«Кугарня» газет редакцийыште 2018 ий гыч 2023 ий марте ыштен.
Надежда Моисеева, журналист, корректор.
1986 ий 25 январьыште Советский район Роҥго селаште шочын. 9 классым Роҥго кыдалаш школышто тунемын, варажым
Йошкар-Олаште Н.Крупская лӱмеш педагогический институт пеленысе лицейыште шинчымашым поген. Марий кугыжаныш университетыште марий ден руш йылмым туныктышо специальностьым налын. Университетыште тунемме жапыштак И.С.Палантай лӱмеш тӱвыра да сымыктыш колледжын «Мер да тӱвыра паша» пӧлкажым заочно тунем лектын. 2020 ийыште МарГУ-со Калыкле тӱвыра да тӱвыра кокласе коммуникаций институтын магистратурыжым педобразований направлений дене тунем пытарен.
«Кугарня» газет редакцийыште 2019-2022 ийлаште пашам ыштен.
Алена Яковлева, журналист.
1986 ий 10 майыште Морко район Изи Корамас ялыште шочын. 9 классым Арын кыдалаш школышто тунемын, варажым Йошкар-Олаште Н.Крупская лӱмеш педагогический институт пеленысе лицейыште шинчымашым поген. Марий кугыжаныш университетыште марий ден руш йылмым туныктышо специальностьым налын.
«Кугарня» газет редакцийыште 2018-2022 ийлаште пашам ыштен.
Татьяна Пчёлкина, журналист.
1970 ий 6 январьыште Морко район Кабаксола ялыште шочын. 1985 ийыште Волаксола кандашияш школ деч вара Йошкар-Оласе медицине училищыш тунемаш пурен. 1988 ийыште медсестра специальность дене дипломым налын.
«Кугарня» газет редакцийыште 2003-2020 ийлаште ыштен.
Ольга Алексеевна Козырева, корректор.
1952 ийыште Советский район Алисола ялыште шочын. 1969 ийыште Кужмарий кыдалаш школым тунем лектын. Н.К.Крупская лӱмеш пединститутышто тунемын. 1974 ий гыч 1977 ий марте школышто руш йылмым туныктен. 1978 ий гыч «Марий коммуна» («Марий Эл») газетыште корректорлан пашам ыштен.
2012-2020 ийлаште «Кугарня» газет редакцийыште тыршен.
Алевтина Таныгина, корректор,
1976 ий 17 декабрьыште Морко район Унчо селаште шочын. Верысе кыдалаш школым 1994 ийыште тунем лекмек, 1995 ий сентябрь марте «Кугарня» газет редакцийыште обозревательлан пашам ыштен. 1995-2000 ийлаште Марий кугыжаныш университетын историй да филологий факультетшын руш-марий пӧлкаштыже шинчымашым поген. «Кугарня» газет редакцийын ешышкыже 2002 ий сентябрьыште пашам ышташ тӱҥалын. Тиде пагытыште ик жап Марий книга издательствыште редактор семын мастарлыкым поген.
2022-2023 ийыште «Кугарня» газетыште корректорлан ыштен.