Марий Элысе социально-педагогический, медицине да социальный полышым пуышо «Детство» рӱдер приёмный ача-ава-влакым ынде икмыняр ий туныкта. Мо дене тыгай школ пайдале? Тидын нерген ты рӱдерын социальный педагогшо Ольга Николаевна Кузьминых умылтара.
- Йочам ешыш ончаш налме тӱрлӧ формо, икшывын праважым аралыме шотышто тӱҥ законодательстве дене палдарат.
- Приёмный ача-ава-влакын права ден обязанностьышт нерген умылтарат.
- Кандидат-влакым йочам ончен кушташ ямде але уке улмыштым, тидлан йӧнышт уло але укем умылаш полшат.
- Йочам налмеке, могай нелылык дене тӱкнаш логалмым умылтарат.
- Ответственностьым шижаш условийым ыштат.
- Кандидат-влакын шке лушкыдо да пеҥгыде койышыштым умылаш полшат.