Марий Турек посёлкышто кызытсе жаплан келшыше у кинозалым почыныт.
Тидлан 1979 ийыште чоҥымо «Заря» кинотеатр зданийым тӧрлен ямдыленыт: кӱварым алмаштеныт, пырдыжым тӱзатеныт, кинооператорскийым уэмденыт. Тылеч посна акустике да цифровой оборудованийым, йӧнан кресле-влакым налыныт.
Кинозалым «Культура» нацпроект дене ыштеныт. Ачалыме пашалан 9 млн теҥгем ойырымо лийын.