Виктория Ледерманын «Первокурсница» книгаштыже 17 ияш Саша Тюлькинан йӧратымашыже нерген ойлалтеш.
Кызытсе илышлан келыштаралтше книгаште йӧратымаш ылыжме годым подростко-влаклан шкем кузе кучымо, йӧратыме еҥ ончылно шкем кузе ончыктымо шотышто ятыр примерлан эҥерташ лиеш. Саша шке йӧратыме еҥжын кумылжым тудын могырыш савыраш манын, тидлан тӱрлӧ йӧным кучылтеш. Вет икымше кугу йӧратымашым ӱдыр-рвезе-влак лач тыгай ийготышто вашлийыт. Ты книга кугурак класслаште тунемше ӱдыр-рвезе-влаклан поснак пайдале да оҥай лийшаш.