Интернетыште возымо деч вара Марий Эл Республикысе прокурорын кӱштымыж почеш Йошкар-Оласе прокуратур рӱдола гыч Медведево районысо Пемба ден Сурок посёлкыла марте пассажир-влакым автотранспорт дене шупшыктымо шотышто законодательствым шуктымым терген.
Пале лийын: республикысе Транспорт да корно озанлык министерстве Йошкар-Ола гыч индивидуальный предпринимательлан «Йошкар-Ола автовокзал – Пемба» да «Йошкар-Ола автовокзал – Сурок» маршрутла дене кудалышташ свидетельствым пуэн. Но ныл кече почела икымше ден пытартыш рейс-влак Йошкар-Ола гыч Сурок посёлкыш миен огытыл, икмыняр рейс посёлкышто але олаште пытартыш остановко марте кудалын огыл.
Тылеч посна «Йошкар-Ола автовокзал – Пемба» маршрутын кас рейсше Йошкар-Ола автовокзалыш пурен огыл.
Йошкар-Оласе прокуратур индивидуальный предпринимательлан представленийым луктын. Ситуацийым прокуратур терга.
Дарья Гомзина.