8-16 октябрьыште Екатеринбург олаште самырык режиссур «АртМиграция» фестиваль эртаралтеш.
Ондак фестиваль Москошто веле лийын гын, кызыт тудо тӱрлӧ олаш кусна. Луымшо «АртМиграцийыште» фестивальыш Екатеринбург, Омск, Пермь, Иваново, Саров, Новосибирск олала гыч театр-влак спектакль-шамычым ончыктат.
Участник-влак коклаште – Г.Константинов лӱмеш руш драмтеатрын актрисыже Ксения Немиро. Тудо чыла спектакльым ончен да тӱрлӧ лабораторий ден мастер-классыште участвоватлен кертеш.