Марий Элыште илыше-влак кок пачашан поезд дене утларак кудалышташ тӱҥалыныт.
Январь гыч июнь марте куд миллионат пеле Россий граждан-влак тора вер-шӧрыш лектын кошташ кок пачашан поездым ойырен налыныт. Тиде, эртыше ий дене таҥастарымаште, 25 %-лан кушкын.
Январь гыч февраль марте миллион еҥ кок пачашан состав дене канаш коштын. Тыгай поезд-влак идалык ончыч Марий Элыш, Чувашийыш да Ульяновский областьыш рейсым ыштеныт. Туге гынат, калыкын эн йӧратыме маршрут – Брянск, Воронеж, Адлер, мурманск да Санкт-Петербург.